Bundan o‘n yil oldin o‘z oldiga ulkan maqsadlarni qo‘ygan va innovatsion g‘oyalarga ega kichik kompaniya Markaziy Osiyoning fintex bozoriga ilg‘or yaratuvchilik ruhini olib kelgani va rivojlanishiga muhim hissa qo‘shgani to‘g‘risidagi ajoyib tarix boshlandi. Bugun biz dunyoning 4 ta davlatida faoliyat olib borayotgan Alif ning 10 yilligini nishonlayapmiz.
Ushbu 10 yil davomida Alif Markaziy Osiyo va boshqa mintaqalarda moliyaviy sohada yetakchilik qilayotgan mutaxassis va ekspertlarning e’tibori va ishonchini qozondi.
Shu tufayli 2021-yilda mintaqadagi eng katta investitsion raundni o‘tkazishga hamda $8 mln kapital va $50 mln qarz ko‘rinishidagi mablag‘larni qo‘lga kiritdi.
2023-yilning oxirida kompaniya $50 mln ga teng islomiy obligatsiyalarni (sukuk) muommalaga chiqarish bo‘yicha rejasini e'lon qildi. Olingan mablag‘lar O‘zbekistonda faoliyatini rivojlantirish va kengaytirish uchun yo‘naltirilishi rejalashtirilgan.
Kompaniya muvaffaqiyatining asosiy omili bu mingdan ortiq yosh va iste’dodli mutaxassislardir. Kompaniya rioya qiladigan qadriyatlar ularga o‘z salohiyatini ro‘yobga chiqarishda yordam beradi.
Alif kompaniyasining turli davlatlarda muvaffaqiyat qozongan mahsulotlarini o‘rganib chiqsak, kompaniya o‘z xizmatlarini innovatsion ruhi va qadriyatlarini saqlab qolgan holda turli bozor talablariga moslashtirganini ko‘rishimiz mumkin.
Hozirgi kunda Alif Tojikistonda yetakchi bank, Pokistonda muddatli to‘lovga xarid qilish imkonini beradigan marketpleys va Birlashgan Arab Amirliklarida fintex ilovalari bilan namoyish etilgan.
O‘zbekistonda Alif fintex bozorining yetakchilaridan biri bo‘lib, quyidagi mahsulotlarni taqdim etmoqda: 27% bozor ulushiga ega Alif Nasiya muddatli to‘lov (BNPL-servisi) xizmati, O‘zbekistondagi kuchli uchtalikka kirgan Alif Shop marketpleysi, mamlakat bo‘ylab 750 ming faol foydalanuvchiga (MAU) ega Alif Mobi to‘lov ilovasi.
Raqamli xizmatlar hayotimizning ajralmas qismiga aylanmoqda, ayniqsa Yangi O‘zbekistonda texnologiyalarning tezligi va qulayligi muhim o‘rin tutadi. Alif so‘nggi trendlarga bo‘ysungan holda, yangi yo‘nalishlarni ishga tushuryapti, jumladan, qisqa muddatga foizsiz muddatli to‘lov olish va QR orqali to‘lash BML-xizmati (Bill Me Later), aviachiptalarni xarid qilish xizmati – Alif Avia. Bu Alif tomonidan mijozlarga taklif qilinayotgan keng xizmatlarning faqatgina kichik bir qismidir.
Alif xizmatlarining O‘zbekistondagi o‘sish raqamlari ijobiy suratlarni yaqqol namoyon etmoqda. Kompaniya fintex bozorida yetakchilik qilishda davom etib, o‘z innovatsion mahsulotlari bilan e’tiborni jalb qilmoqda. Alif bilan har bir mijoz o‘zining kundalik moliyaviy ehtiyojlari zamonaviy, texnologik va barqaror yechimlar bilan qondirilishiga ishonch hosil qilishi mumkin.
Reklama huquqi asosida.
Izoh (0)