2024-yilning 16-iyunidan Uzbekistan Airways Samarqand – Irkutsk – Samarqand yo‘nalishi bo‘yicha muntazam aviaqatnovlarni amalga oshira boshlaydi. Parvozlar har hafta, yakshanba kunlari bajariladi!
Irkutsk Sharqiy Sibirning eng yirik shaharlaridan biri va mintaqaning asosiy transport markazidir. Shahar bugungi kungacha saqlanib qolgan yog‘och uylarning noyob me’moriy ko‘rinishi bilan mashhur. Shuningdek, u butun dunyodan sayyohlarni o‘ziga tortadigan mashhur Baykal ko‘liga kirish eshigi bo‘lib xizmat qiladi. Bundan tashqari, Irkutsk boy madaniy sayyohlik dasturini taklif etadi: muzeylar, teatrlar, san’at galereyalari, Spasskaya va Krestovozdijenskiy cherkovi kabi tarixiy obidalar shular jumlasidandir.
Bir tomonlama aviachiptalar narxi 2 778 000 so‘mdan, Samarqand – Irkutsk – Samarqand yo‘nalishi bo‘yicha esa 3 866 000 so‘mdan boshlanadi. Parvozlar quyidagi jadvalga muvofiq amalga oshiriladi:
Eslatib o‘tamiz, 9-maydan boshlab Uzbekistan Airways Samarqand – Nijniy Novgorod – Samarqand yo‘nalishi bo‘yicha parvozlarni amalga oshira boshladi.
Nijniy Novgorod Rossiyaning eng qadimgi va madaniy boy shaharlaridan biri bo‘lib, u ham sayyohlar uchun ko‘plab diqqatga sazovor joylarni taqdim etadi. Muntazam aviaqatnovlar har hafta, payshanba kunlari amalga oshiriladi, bir tomonlama aviachiptalar narxi 1 810 000 so‘mdan, Samarqand – Nijniy Novgorod – Samarqand yo‘nalishida esa 2 371 000 so‘mdan boshlanadi.
Uzbekistan Airways o‘z yo‘lovchilariga sayohatning har bir bosqichida yuqori darajadagi qulay sharoitlarni ta’minlashga intiladi. Sizga yanada qiziqarli sayohatlar va unutilmas onlarni taklif qilish uchun parvozlar xaritasini kengaytirishda davom etamiz.
Samarqanddan Irkutsk va Nijniy Novgorodga, shuningdek, aviakompaniyaning boshqa yo‘nalishlariga parvozlar uchun aviachiptalarni www.uzairways.com, Uzbekistan Airways mobil ilovasi, Uzbekistan Airways Sales filialida yoki agentlardan xarid qilish mumkin.
Reklama huquqi asosida.
Izoh (0)