Germaniyalik mutaxassis Hans-Diter Flik “Barselona” bilan 2026-yilgacha mo‘ljallangan shartnoma imzolaydi.
Fabrisio Romanoning xabariga ko‘ra, 59 yoshli mutaxassis 28-may kuni Barselonaga yetib boradi va 29-may kuni Kataloniya jamoasi bilan shartnoma imzolaydi.
Flik 2026-yil iyun oyiga qadar “ko‘k-anorranglilar” bosh murabbiyi sifatida ishlaydi.
Qayd etib o‘tish joiz, 2021-yildan buyon klubni boshqarib kelgan Xavi iste’foga chiqarildi.
Eslatib o‘tamiz, 28-yanvarda Xavi mavsum oxirida “Barselona” murabbiylik postini tark etishini ta’kidlagandi. Keyinchalik bir necha bor bu qarorini o‘zgartirmasligini ham aytib o‘tgandi. Biroq rahbariyat aprel oyida ispaniyalik mutaxassisni jamoada qoldirishga ko‘ndirgandi. Yana vaziyat o‘zgarib, klub murabbiy bilan hamkorlikni to‘xtatdi.
Xavi “Barselona”ni 2021-yilning noyabridan beri boshqarib kelayotgan edi. Uning qo‘l ostida jamoa Ispaniya chempionati va mamlakat Superkubogini qo‘lga kiritdi.
Izoh (0)