Amerika “xorijiy agentlar” qonuni tufayli Gruziya bilan hamkorlikni qayta ko‘rib chiqadi

Qo‘shma Shtatlar xorijiy agentlari to‘g‘risidagi qonuni sababli Gruziya bilan hamkorlikni har tomonlama ko‘rib chiqishini e’lon qiladi, deya AQSH Davlat kotibi Entoni Blinken xabar berdi.

Bugun men Qo‘shma Shtatlar va Gruziya o‘rtasidagi ikki tomonlama hamkorlikni har tomonlama ko‘rib chiqishni boshlayapman, — deyiladi bayonotda.

Davlat kotibining aytishicha, Vashington Gruziya rahbarlari demokratik va Yevroatlantika intilishlarini ilgari surish uchun qonunni qayta ko‘rib chiqishlariga umid qilmoqda.

Mamlakatlarimiz o‘rtasidagi munosabatlarni qayta ko‘rib chiqar ekanmiz, o‘z qonunlarimizni yaratishda Gruziyaning harakatlarini ko‘rib chiqamiz, — deya qo‘shimcha qilgan Blinken.

14-may kuni Gruziya parlamenti bir oy davom etgan norozilik namoyishlari fonida “Xorijiy taʼsirning shaffofligi to‘g‘risida”gi qonun loyihasini uchinchi va oxirgi o‘qishda qabul qilgan edi. Prezident Salome Zurabishvili 18-may kuni veto huquqidan foydalangan.

Avvalroq Davlat departamentining Sanksiyalarni muvofiqlashtirish boshqarmasi rahbari Jim O‘Brayen agar parlament tomonidan qabul qilingan loyiha o‘zgarmasa, Amerika Gruziyaga nisbatan cheklovlar qo‘yishi mumkinligini aytgan. Yevropa Ittifoqi respublikaning ittifoqqa a’zolik arizasini muzlatib qo‘yishga va’da bergan.