Gruziya prezidenti Salome Zurabishvili 18-may kuni mamlakat parlamenti tomonidan avvalroq uchinchi o‘qishda qabul qilingan, “Xorijiy ta’sirning ochiqligi to‘g‘risida”gi qonunga veto qo‘ydi.
Bugun men “Rossiya” qonuniga veto qo‘ydim, bu qonun o‘z mohiyati va ruhiga ko‘ra bizning konstitutsiyamizga va barcha Yevropa standartlariga ziddir, shuning uchun bu veto huquqiy jihatdan vakolatli va bugunoq parlametga topshiriladi. Bu qonunni bekor qilish kerak, — deydi Gruziya rahbari.
Avvalroq Zurabishvili o‘z mamlakatida uzoq davom etgan ommaviy noroziliklarga sabab bo‘lgan “xorijiy agentlar” haqidagi qonunga veto qo‘yishga va’da bergan edi. Jamiyat va inson huquqlari faollarining keskin tanqidlariga qaramay, Gruziya parlamenti 14-may kuni “xorijiy agentlar” to‘g‘risidagi qonunni ma’qullagan edi.
Ha, menimcha, hech qachon illyuziyalar bo‘lmagan, “Gruziya orzusi” bu qonunni qaytadan kiritgan va ular parlamentda ko‘pchilikni tashkil qiladi. Men unga veto qo‘yaman, chunki bu ramziy veto, xuddi shu “Rossiya” qonuni kabi ramziy ma’noga ega, — degan edi u CNN kanaliga bergan intervyusida.
Izoh (0)