Камару Усмон Олександр Усик ва Френсис Нганну ўртасидаги жангни кўриш ниятида эканини айтиб ўтди.
“Бу ақл бовар жанг эканлигини биламан, лекин мен Усикнинг Френсис Нганну каби йигит билан жанг қилишини кўришни истардим, чунки Олександр бошқа ҳаммани мағлуб этиб бўлди.
Ҳа, у бошқа кўплаб боксчиларни мағлуб этди, лекин Френсис энг кучли зарба эгаларидан. Мен Олександр Нганнудек рақибни қандай мағлуб этишга ҳаракат қилишини кўришни истайман”, — дейди Камару Усмон.
- 37 ёшли Камару Усмон 2023 йил октябрида бўлиб ўтган ўзининг сўнгги жанггида Ҳамзат Чимаевга мағлуб бўлган.
- Олександр Усик 12 рaунд давом этган ўзининг сўнгги жангида Тайсон Фьюрини очколар ҳисобида енгиб, оғир вазн тоифасида мутлақ чемпион унвонини қўлга киритди.
- Френсис Нганну оғир вазн тоифасида британиялик боксчи Энтони Жошуага қарши 8 март куни Саудия Арабистонида рингга кўтарилди. 10 рaунд давом этиши керак бўлган жанг 2-рaунддаёқ муддатидан олдин якунланди. Унда Энтони Жошуа Нганнуни нокаутга учратди. Спортчи ҳозирда PFL* билан шартнома имзолаган. PFL (Professional Fighters League) — Профессионал жангчилар лигаси. Аралаш яккакурашлар бўйича турнирларни ташкил қилувчи АҚШ ташкилоти. 2012 йилда World Series of Fighting номи остида ташкил этилган, 2017 йилда Профессионал жангчилар лигаси (PFL) сифатида фаолиятини қайта бошлаган. Ташкилот биринчи мусобақани 2018 йилда Невада штати, Лас-Вегас шаҳрида ўтказган.
Изоҳ (0)