Isroil havo kuchlari 20-may kuni Livan janubiga bergan zarbalar oqibatida 4 nafar fuqaro halok bo‘lgan. Bu haqda Arab News nashri xabar berdi.
“Hizbulloh”ga yaqin manbalar Isroil hujumini tasdiqlagan. Hujumda “Hizbulloh”ning ikki aʼzosi va yana 2 nafar tinch aholi vakillari halok bo‘lgani bildirilgan.
Manbada aytilishicha, Isroil kuchlari Livan janubidagi Naqura va janubi-sharqidagi Mais al-Jabal hududlarini nishonga olgan. Hujumlar asosan harbiy tuzilmalarga qarshi qaratilgani bildirilgan.
“Hizbulloh” rasmiylari o‘z hududlariga hujum uchun javob sifatida Isroil shimolidagi kazarmalarga raketa uchirgan. Hujum oqibatida yetkazilgan talafot ko‘lami maʼlum qilinmagan.
O‘tgan yilning 7-oktyabridan beri Isroil va “Hizbulloh” qarama-qarshiligi oqibatida Livanda kamida 423 kishi halok bo‘lgani xabar qilingan. Ulardan 82 nafari tinch aholi vakillari bo‘lgan.
Isroil rasmiylari hozirga qadar Livan bilan chegara hududlarida 14 nafar askar va 11 nafar tinch aholi vakili halok bo‘lganini bildirgan.
Izoh (0)