Yulduzlarning shaxsiy hayoti haqida yangiliklardan yoki ijtimoiy tarmoqlardagi shaxsiy bloglaridan eshitamiz. Ammo sevimli aktyor, qo‘shiqchi va boshqa jamoat arboblarimiz paparatssi kameralari nazarida bo‘lmaganda qanday yashashini ko‘rish ko‘pchilikka qiziq.
Jorj Klunining sambitgul (oleandr)li villasi
Oleandrli villa — taniqli aktyor va rejissyor Jorj Kluniga tegishli bo‘lgan hashamatli mulk bo‘lib, Italiyaning go‘zal Komo ko‘li bo‘yida joylashgan. Uning narxi 100 million yevroga baholanmoqda. Bu villa hashamat va nafosat timsollaridan biri bo‘lib, u aktyor muxlislari va murakkab uslubni xush ko‘ruvchilar orasida mashhurdir.
So‘nggi ikki asr davomida villa ko‘plab badavlat oilalarga tegishli bo‘lgan. Kluni ham uyni Haynts oilasidan sotib olgan. Mulkning arxitekturasi — O‘rta Yer dengizi elementlari qo‘shilgan holda italyan neoklassik uslubida qurilgan bino. Ko‘l va go‘zal bog‘ga qaragan balkonlar o‘ziga xos qulay muhitni yaratadi.
Villa daraxtga o‘xshash sambitgullar o‘sadigan go‘zal bog‘lar bilan o‘ralgan. Gulzorlar, yam-yashil maydonlar, ko‘lga qaragan basseyn, shinam ayvonlar va jihozlangan dam olish joylari mashhur ko‘lning maftunkor tabiatidan bahramand bo‘lish imkonini beradi.
Uyning interyeri ham hashamati bilan ajralib turadi — 25 ta xonaning ichki qismi Venetsiya gipsi, antiqa mebellar va san’at asarlari bilan bezatilgan. Ochiq osmon ostidagi teatr, suzish havzasi, sport zali, keng garaj va pittseriya o‘ziga xos farovonlik muhitini yaratadi.
Ko‘plab mashhur odamlar singari Kluni ham e’tiborni jalb qilmasdan dam olishni afzal ko‘radi. 2015-yilda shahar meri muxlislar va ommaviy axborot vositalarining Kluni uyiga yaqinlashishini taqiqlovchi farmon chiqargan — unga ko‘ra Sambitgulli villadan 90 metr uzoqda yurishingiz kerak, yo‘qsa 500 yevrogacha jarimaga tortilishingiz mumkin.
Tom Kruzning Koloradodagi mulki
Tom Kruzning Koloradodagi 39,5 million dollarlik sobiq mulki hashamatning butunlay teskarisidir. Bu yerda o‘zgacha go‘zallik bor – bir tomondan qalin o‘rmonlar bilan o‘ralgan tog‘ tizmalari, ikkinchi tomondan vodiyning ajoyib manzarasi.
Asosiy xona va mehmonxonaning o‘zi 1000 kvadrat metrdan ortiq maydonga ega. Hamma narsa archa va tabiiy toshdan qurilgan bo‘lib, u binoni atrofdagi landshaftga uyg‘unlashtiradi va tabiat bilan birlikni ta’minlaydi. Asosiy uydagi to‘rtta va mehmonxonadagi uchta yotoqxona minimalist uslubda yaratilgan.
Katta derazalari bo‘lgan mehmonxona hayratlanarli manzaralarni taqdim etadi. Katta kamin ayniqsa qish oylarida atrofdagi tabiat uxlab yotganda jonning rohati. Mehmonxona maydoni oshxona va ovqatlanish xonasi bilan birlashtirilgan bo‘lib, bu yer oila yoki do‘stlar bilan dam olish uchun juda qulaydir. Shaxsiy uchrashuvlar uchun ikkinchi mehmonxona mavjud, u kitoblar to‘plamiga boy bo‘lgan kutubxonadir.
Hech bir xonada televizor yo‘q. Buning o‘rniga, mashg‘ulot xonasida bilyard stoli, pianino va futbol stoli mavjud. 130 gektarli hovlida sport zali, piyoda yurish va sayr qilish imkoniyatlari mavjud. Yoz oylarida ochiq tennis va velosportdan bahramand bo‘lish mumkin, qishda esa xokkey va “snegoxod”dan maza qilish mumkin.
Bu rancho shahar shovqinidan, bezovta qiluvchi olomondan uzoqroqda hordiq chiqarish imkonini beradi. Bu yerda tabiat bilan uyg‘unlikda xotirjamlikni topish mumkin.
Kayli Jennerning Los-Anjelesdagi uyi
Kaylining uyi 36,5 million dollarga baholangan, haqiqiy yuqori texnologiyali turar joyning namunasi bo‘la oladi. Bu yerda hamma narsa ajoyib — 1800 kvadrat metr maydondan boshlangan hashamatli eksteryer, noyob daraxtlar, katta suzish havzasi va texnologik mo‘jizalar bilan tugaydi. Yettita yotoqxona, ikkita uy kinoteatri, bitta ochiq kinoteatr, basketbol maydoni, tennis korti va to‘rtta mehmonxona Jenner xonimning katta oilasi uchun ayni muddao.
Uy to‘liq zamonaviy uslubda jihozlangan. Xonalar mashhur dizaynerlarning ko‘plab ishlari, jumladan, buyurtma asosida tayyorlangan mebel va dekorlar bilan bezatilgan. Texnik nuqtayi nazardan, hamma narsa eng so‘nggi zamonaviy texnologiyalar, jumladan, “aqlli uy” tizimiga muvofiq tashkil etilgan.
Katta maydoni, shu jumladan 465 kvadrat metrni egallagan hovli tufayli saroy Gollivud yulduzlari uchun turli tadbirlar va kechalarda haqiqiy markazga aylanadi.
Mulk Los-Anjelesning nufuzli hududida joylashganligini hisobga olib, xavfsizlik masalalariga katta e’tibor beriladi. Maxfiylikni himoya qilish sohasidagi barcha so‘nggi yechimlar aholi va mehmonlarga xotirjamlikni ta’minlash uchun qo‘llaniladi.
Izoh (0)