Баъзи Голливуд машҳурларининг пули шунчалик кўпки, ҳатто хусусий орол сотиб олишга ҳам қурби етади. Фақатгина сизга тегишли бўлган тропик оролни бир тасаввур қилиб кўринг-а? Кўплаб таниқли шахслар бу орзуни аллақачон рўёбга чиқаришга улгурган.
Бейонсе ва Jay-Z
Агар барча нарсаси бор аёлга нима совға қилишни билмасангиз, унда рэпер Jay-Z’дан ўрнак олинг. У рафиқаси хонанда Бейонсенинг туғилган кунига 20 000 000 долларлик Флорида-Кис оролини совға қилди. Орадан уч йил ўтгач, эр-хотин Багама оролларининг бир қисмини сотиб олишди.
Рики Мартин
Қўшиқчи Рики Мартин ўз келажаги ва фарзандлари учун кўп нарсани муҳайё қилиб қўйган. Жумладан, 2008 йилда у Рио-де-Жанейродан икки соат узоқликда жойлашган Ангра Дос Реис оролини 8 000 000 долларга сотиб олди.
Жулия Робертс
Яна бир орол эгаси, Бейонсенинг қўшниси, актриса Жулия Робертс 6 000 000 долларга Багама оролларида ер сотиб олган. Мазкур орол оилавий дам олиш учун мўлжалланган.
Жорж ва Амалия Клуни
Клунилар оиласи тропик ўлкаларни ёқтирмайди. Улар Англиянинг орол ерларида ўзларининг ҳашаматли ўн хонали саройи жойлашган ерга эгалик қилишади.
Жонни Депп
Актёр Жонни Депп 2004 йилда Багама оролларидаги Little Halls Pond Say оролини сотиб олган. Унда бир вақтнинг ўзида олтита пляж жойлашган. Уларнинг ҳар бири Деппнинг энг яқин инсонлари — дўстлари ва фарзандлари шарафига номланган.
Леонардо Ди Каприо
Актёр Леонардо Ди Каприо Кариб Денгизи соҳилидаги Блекадаро Кей оролини 2,4 миллион долларга харид қилган. У оролда экологик тоза дам олиш маскани қуришни режалаштирган эди, бироқ маҳаллий фаоллар актёрнинг режаларига қарши кампания тузди ва унинг лойиҳаси номаълум муддатга тўхтатиб қўйилди.
Изоҳ (0)