Isroil G‘azo shimolida HAMASga qarshi yangi hujum boshladi

Isroil harbiylari G‘azo shimolidagi Jebali shahrida HAMASga qarshi operatsiya boshladi. Bu haqda Euronews xabar berdi.

Isroil armiyasi avvalroq bu hududda HAMAS jangchilari borligi haqida razvedka maʼlumotlarini olganini aytgandi.

Quruqlikdagi operatsiya boshlanishidan oldin qiruvchi samolyotlar HAMAS nishonlari deb hisoblagan o‘nlab obyektlarga zarba bergan. Bir necha jangari o‘ldirilgani xabar qilingan.

Ayni paytda BMT Bosh kotibi Antonio Guterrish zudlik bilan o‘t ochishni to‘xtatish, barcha garovga olinganlarni ozod qilish va Falastin anklaviga insonparvarlik yordamini ko‘paytirishga chaqirmoqda. 

Bu urush natijasida yuzaga kelgan vayronagarchilik va jarohatlardan qaytish uchun uzoq yo‘ldir. G‘azo aholisi oyoqqa turish va hayotlarini qayta tiklash uchun turli mamlakatlar bilan yanada yaqinroq hamkorlikka muhtoj bo‘ladi, — deydi Guterrish.

Isroil armiyasi Rafah shahrida ham janglar davom etayotganini ta’kidlagan. Harbiylar bir nechta tunnel shaxtalari hamda Isroilga hujum qilishga tayyorlanayotgan raketa moslamalarini topib, yo‘q qilgan. Misr bilan chegarada joylashgan Rafahdan 300 mingga yaqin falastinlik qochgan.