Ukraina armiyasi mamlakat sharqidagi mudofaa chizig‘ida ruslar bilan olib borilgan janglarda 160 nafar askarini yo‘qotgan. Bu haqda “TASS” nashri xabar berdi.
Ukraina kuchlari, shuningdek, ikkita zirhli jangovar mashina, beshta yengil mashina, “Grad” ko‘p manzilli raketa tizimi hamda 3 ta gaubitsasidan ham ayrilgan. Artilleriya tizimlari ruslar tomonidan yaroqsiz holga keltirilgan.
Rossiyaning Sharqiy jangovar guruh bo‘linmalari o‘z pozitsiyalarini mustahkamlashga erishgan. Ular Donetsk va Zaporojye viloyatlaridagi Ukraina qo‘shinlariga zarbalar bergan.
Rossiya Mudofaa vazirligi maʼlum qilishicha, sharqiy frontda Ukrainaga tegishli Patriot havo hujumidan mudofaa tizimi batalyoni va aviatsiya deposi yo‘q qilingan. Kiyev kuchlariga strategik zarbalar berilgan.
Shuningdek, 133 ta tumanda uchuvchisiz uchoqlar ishlab chiqarish zavodlari, Ukraina armiyasi vakillari va dushman harbiy texnikasi yo‘q qilingan. Kiyev qurolli kuchlarining 34 nafar askari hibsga olingan.
Rossiya harbiy idoralari Ukraina tomoni Chexiyada ishlab chiqarilgan Vampire ko‘p nishonli raketa tizimini, ikkita o‘ziyurar artilleriya mashinasini, to‘rtta gaubitsa va ikkita “Buk” zenit-raketa tizimini ham yo‘qotganini bildirgan.
Izoh (0)