Tanlovning respublika bosqichi 10 —15-may kunlari Qoraqalpog‘istonda bo‘lib o‘tadi va unda hududiy bosqichda g‘oliblikni qo‘lga kiritgan 158 nafar ishtirokchi qatnashadi. Bu haqda “Daryo” muxbiri xabar bermoqda.
“Besh bosqichli besh tashabbus” olimpiadasi doirasida “Bo‘zatov iqtidorlarni kashf etadi!” shiori ostida o‘tkazilayotgan tanlovning bu yilgi mavsumida 248 ming nafardan ortiq yoshlar Telegram’dagi @YoshOvozbot orqali ro‘yxatdan o‘tgan.
Tanlov mahalla, sektor, tuman (shahar), hududiy va respublika kabi besh bosqichdan iborat. Unda baxshichilik, an’anaviy ijro, opera hamda estrada yo‘nalishida 3 ta yosh (10-15 yosh, 16-22 yosh, 23-30 yosh) toifasida nomzodlar ishtirok etdi.
Tanlov Nizomiga bir qator o‘zgartirish va qo‘shimchalar kiritildi. Jumladan, respublika bosqichi 2 bosqichga bo‘lindi: final va super final.
Respublika bosqichida:
- 1-o‘rin – 50 million so‘mdan (to‘rt yo‘nalishda, jami 12 ta);
- 2-o‘rin – 30 million so‘mdan (to‘rt yo‘nalishda, jami 12 ta);
- 3-o‘rin – 20 million so‘mdan (to‘rt yo‘nalishda, jami 12 ta).
Qolgan barcha ishtirokchilar – 10 million so‘mdan pul mukofoti bilan taqdirlanadi. Tanlovning umumiy mukofot jamg‘armasi 2,5 milliard so‘mni tashkil etadi.
Izoh (0)