Isroil G‘azo sektorining Misr bilan chegaradosh Rafah nazorat o‘tkazish punktining Falastin qismi ustidan nazorat o‘rnatdi. Bu haqda Isroil armiyasiga tayanib, The Times of Israel xabar berdi.
Isroil qo‘shinlari va tanklari nazorat o‘tkazish punkti hududiga kirib kelgach, gumanitar yordam va yo‘lovchilar bo‘lgan transport vositalarining harakatlanishi to‘xtagan. Yahudiy davlati armiyasi Rafah shahrini Misr bilan bog‘lovchi yo‘lni ham ushlab turibdi.
Isroil armiyasi 7-mayga o‘tar kechasi 150 dan ortiq obyektni vayron qilgani, 20 ga yaqin HAMAS jangchisini yo‘q qilganini aytmoqda. Bundan tashqari uchta tunnel nazoratga olingan.
6-may kuni HAMAS G‘azoda o‘t ochishni to‘xtatish bo‘yicha sulh tuzish taklifini qabul qildi. Isroil armiyasi shu kuni Rafah sharqida va sektor janubida HAMASning 50 dan ortiq obyektiga zarba berganini ma’lum qildi.
Izoh (0)