Boeing Starliner kemasi ekipajining parvoz sinovi bekor qilindi. Bu haqda NASA saytida xabar berildi.
Kosmik kema Kanaveral aerodromidan United Launch Alliance (ULA) Atlas-V raketasi yordamida uchirilishi rejalashtirilgan edi. Boeing Starliner ekipaj kapsulasi uchirilgandan ikki kun o‘tgach, Xalqaro kosmik stansiyaga (XKS) tutashishi kutilgan.
ULA parvoz direktori Tom Hiter parvozga tayyorgarlikni davom ettirmaslikka qaror qilgan. NASAning aniqlik kiritishicha, parvozning bekor qilinishiga raketaning ikkinchi bosqich kislorod klapanidagi nosozlik sabab bo‘lgan.
Atlas-V uchun ushbu parvoz odamlarni kosmosga jo‘natish uchun foydalanilganidan buyon o‘n yarim yil ichida ilk marta bo‘lishi kutilgandi.
2019-yil dekabr oyida o‘tkazilgan birinchi parvoz sinovlarida kema havoga ko‘tarilgan va Xalqaro kosmik stansiyaga yetib borishi kerak edi, ammo tizim taymerida muammo yuzaga kelgan.
2021-yil avgust oyida ikkinchi parvoz sinovi ham muvaffaqiyatsiz tugagan.
2022-yil avgustida NASA va Boeing Starliner parvozni 2023-yil boshiga rejalashtirgan edi. O‘shanda NASAning tijorat ekipaji dasturi menejeri missiya fevral oyida boshlanishi mumkinligini aytgan.
Izoh (0)