Aktyor Rayan Gosling The Wall Street Journal nashriga bergan intervyusida ruhiy salomatligi va oilasi uchun vahimali va psixologik jihatdan murakkab rollardan voz kechishini aytdi.
Meni vahshiy yoki salbiy sifatda ko‘rsatadigan rollarni o‘ynamaslikka harakat qilaman. Film obrazini tanlashda asar qahramonlari so‘zlarini uyda — oilam davrasida aytishimni tasavvur qilaman. Bu odat eng yaxshi yechimni topishga yordam beradi, — dedi aktyor.
Aktyor rol tanlashda rafiqasi Yeva Mendes bilan ham maslahatlashishini qo‘shimcha qildi:
Va albatta, birinchi navbatda men va Yeva oilamiz manfaatlarini hisobga olgan holda qaror qabul qilamiz.
Goslingning so‘zlariga ko‘ra, u shunday qoidalardan kelib chiqqan holda rol ijro etgan birinchi film — bu Demyen Shazellning “La La Land” (2016) musiqiy filmi bo‘lgan.
Filmda rol o‘ynash taklifi tushganda xayolimga birinchi bo‘lib ikki qizim keldi: “Myuzikl ular uchun ham qiziqarli bo‘ladi, chunki ular suratga tushmasa ham, biz har kuni pianino chalib, raqsga tushishishimiz va qo‘shiq aytishimiz mumkin edi, — dedi Rayan Gosling.
Aktyor “Barbi” (2023) filmida suratga tushishida ham uning qizlari ilhom bergan:
Loyihaga taklif qilinganimda farzandlarim iPad’ga o‘z qo‘g‘irchoqlari haqida kichik videolar olishni boshlagan vaqtlar edi. Shuning uchun mazkur rolga ikkilanmasdan rozi bo‘lganman, — deya qo‘shimcha qildi u.
Izoh (0)