O‘zbekistonda uch oyda qariyb 31,1 trillion so‘mlik qurilish ishlari bajarildi. Bu haqda Statistika agentligi xabar berdi.
Dastlabki maʼlumotlarga ko‘ra, bu ko‘rsatkich 2023-yilning mos davri bilan solishtirilganda 6,8 foizga oshgan.
2024-yilning 1-aprel holatiga O‘zbekistonda qurilish faoliyati bilan shug‘ullanayotgan korxona va tashkilotlar soni 31 703 taga yetgan. Qurilish faoliyati bilan shug‘ullanayotgan korxona va tashkilotlarning 6890 tasi Toshkent shahrida joylashgan.
2024-yilning yanvar oyida qariyb 6,7 trillion so‘mlik qurilish ishlari bajarilgani to‘g‘risida xabar berilgandi. Shuningdek, yanvar oyida O‘zbekistonda uy xo‘jaliklari tomonidan uy-joylarni ta’mirlash bo‘yicha 160,3 milliard so‘mlik ishlar bajarilgan.
Avvalroq Qurilishni korrupsiyadan xoli sohaga aylantirish maqsadida 1-iyuldan qurilishda tuziladigan barcha shartnomalar raqamlashtirilishi ma’lum qilingan edi.
Izoh (0)