Mirzo Ulug‘bek tumanining ayrim hududlarida elektr ta’minoti vaqtincha to‘xtatiladi. Bu haqda “Toshkent shahar elektr tarmoqlari” matbuot xizmati xabar berdi.
Isteʼmolchilarga sifatli va barqaror elektr energiyasi yetkazib berilishini taʼminlash va elektr tarmoqlaridagi avariyaviy holatlarni oldini olish hamda mavjud elektr qurilmalarida taʼmirlash ishlarini olib borish maqsadida 6-may kuni quyidagi manzillarda elektr taʼminoti vaqtincha o‘chiriladi:
- Mirzo Ulug‘bek tumani — “Temur Malik” hamda “Sho‘rtepa” MFYlarining ayrim hududlarida soat 10:00 dan 17:00 gacha.
Yuqoridagi hududlarda taʼmirlash ishlari belgilangan vaqtdan avvalroq yakunlanishi mumkin.
“Toshkent shahar elektr tarmoqlari” MCHJ mazkur taʼmirlash ishlari tufayli elektr taʼminotidagi vaqtincha uzilishlar sababli yetkazilayotgan noqulayliklar uchun ushbu hududlarda yashovchi isteʼmolchilardan uzr so‘raydi.
Shuningdek, taʼmirlash ishlari tufayli Sergeli tumanining quyidagi hududlariga 6-may kuni soat 10:00 dan 18:00 gacha tabiiy gaz yetkazib berish vaqtincha to‘xtatiladi:
Aholi isteʼmolchilari
- “Qumariq” MFY Savatchi, Samo, Obirahmat ko‘chasidagi 580 ta yerli xonadon;
- “Oltin vodiy” MFY Bezakchi, Mirza Haydar, Aeroport hududi, Oltin vodiy ko‘chalaridagi 730 ta yerli xonadon;
- “Uchuvchilar” MFYdagi 180 ta yerli xonadon, 21 ta ko‘p qavatli uylardagi 764 ta xonadon;
- “Xonobod” MFYdagi 1130 ta yerli xonadon;
- “Xontepa” MFYdagi 285 ta yerli xonadon.
Bundan tashqari, yuqoridagi hududlarda joylashgan ulgurji isteʼmolchilarda ham gaz ta’minoti vaqtincha o‘chadi.
Bir necha kun oldin Chilonzor, Uchtepa, Mirzo Ulug‘bek va Olmazor tumanlarining qator hududlarida gaz o‘chirilgan edi.
Izoh (0)