La Gazzetta dello Sport xabariga ko‘ra, “Yuventus”ning sobiq hujumchisi Krishtianu Ronaldu klub bilan 19,5 million yevro miqdoridagi to‘lanmagan maosh bo‘yicha sudda g‘alaba qozongan.
Biroq portugaliyalik futbolchi barcha pulni olmaydi. Arbitraj sudi ko‘pchilik ovoz bilan quyidagilarga qaror qildi:
- Krishtianu Ronaldu holatga bo‘lgan e’tiborsizligi sabab aybdor deb topildi;
- “Yuventus” futbolchiga 9 774 166,66 yevro va foizlarni, ya’ni portugaliyalik talab qilgan summaning 50 foizini to‘lashi shart deb topilsin.
Turin klubi mutasaddilari sudda g‘alaba qozonishiga ishonchi komil edi, shuning uchun bu mablag‘lar joriy byudjetga kiritilmagan. Bu sud qarori ular uchun kutilmagan bo‘ldi.
Ronaldu 2018-yildan 2021-yilgacha “Yuventus”da o‘ynagan va bu davrda turinliklar bilan beshta sovrinni qo‘lga kiritgan.
Izoh (0)