Роналдунинг дубли “Ан-Насср”ни Саудия Қирол Кубоги финалига олиб чиқди

Футбол бўйича Саудия Қирол Кубогининг ярим финалида “Ан-Насср” 1 май, чоршанба куни “Ал-Ҳолиж”га қарши баҳс олиб борди.

Учрашувнинг 17-дақиқасида Криштиану Роналду ажойиб зарбаси билан ҳисобни очди. 37-дақиқада Садио Мане пенальтидан унумли фойдаланиб, ҳисобни ишончли кўринишга олиб келди.

Иккинчи бўлимда эса Ар-Риёд клуби фаол ҳаракат қилди. 57-дақиқада Роналду дублни расмийлаштирди. 82-дақиқада “Ал-Ҳолиж” футболчиси Алтрес ҳисобни қисқартиришга муваффақ бўлди.

Учрашув 3:1 ҳисобида “Ан-Насср”нинг ғалабаси билан якунланди ва жамоа финал йўлланмасини қўлга киритди.

Яна бир ярим финал баҳсида “Ал-Ҳилол” “Ал-Иттиҳод” устидан 2:1 ҳисобида ғалаба қозониб, финалга чиққанди.

Саудия Қирол Кубоги

1/2 финал

1 май, чоршанба

“Ан-Насср” – “Ал-Ҳолиж” 3:1

Голлар: 1:0 – Криштиану Роналду (17), 2:0 – Мане (37, пенальти), 3:0 – Криштиану Роналду (57), 3:1 – Алтрес (82).