Toshkentda TOEFL IBT sertifikati olib berishni vaʼda qilgan shaxslar ushlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Maʼlum qilinishicha, o‘tkazilgan tezkor tadbirda fuqarolar M.K. va A.A. o‘zaro til biriktirib, fuqaro U.Y.ning ishonchiga kirib, uning turmush o‘rtog‘i Sh.Y.ga go‘yoki yuqori lavozimda ishlovchi tanishlari yordamida hech qanday imtihonlarga qatnashmasdan TOEFL IBT sertifikatini olib berishi evaziga 1,8 ming dollarni olgan vaqtlarida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)