Yevropa Ittifoqi davlatlari Bryusseldagi sammitda Isroilga hujumi uchun Eronga qarshi sanksiyalarni kengaytirishga kelishib oldi. Bu haqda Deutsche Welle xabar berdi.
Biz Eronga qarshi qo‘shimcha sanksiyalar joriy etishga qaror qildik, bu biz yubormoqchi bo‘lgan aniq signaldir, — dedi Yevropa kengashi rahbari Sharl Mishel.
Uning ta’kidlashicha, Eron xalqaro izolyatsiyaga tushib qolishi kerak.
Yevropa Kengashi Eronning Isroilga hujumini qat’iy va so‘zsiz qoralaydi va Isroil xalqi bilan to‘liq birdamligini hamda Isroilning mintaqadagi xavfsizligi va barqarorligiga sodiqligini tasdiqlaydi, — deyiladi yig‘ilishning birinchi kuni yakunida qabul qilingan deklaratsiyada.
Cheklov choralari dron va raketalarga ham tegishli bo‘ladi. Mishel hali yangi sanksiyalar tafsilotlarini ochiqlamagan.
Yevropa Ittifoqi Eron va uning tarafdorlarini har qanday hujumlarni to‘xtatishga hamda tomonlarni maksimal darajada vazminlikka chaqirmoqda.
Eron 14-aprelga o‘tar kechasi Isroilga havo hujumi uyushtirgan edi. Isroil armiyasiga ko‘ra, 170 ta dron, 120 dan ortiq ballistik raketalar va 30 dan ortiq qanotli raketalar mamlakatga hujum qilishga uringan, biroq Isroil va uning ittifoqchilari ularning 99 foizini urib tushirishga muvaffaq bo‘lgan. Erondan tashqari, Isroilga hujumlar Yaman husiylari va Iroq tomonidan amalga oshirilgan.
17-aprel kuni Isroil OAVlari mamlakat hujumga javob qaytarishga qaror qilgani, ammo javob zarbasi uchun hali muddat belgilanmagani haqida xabar bergan.
Izoh (0)