“Barselona” — “PSJ”, “Borussiya D” — “Atletiko” uchrashuvlariga hakamlar tayinlandi

Yevropa Chempionlar Ligasining 16-aprel, seshanba kungi o‘yinlariga hakamlar tayinlandi.

“Barselona” va “PSJ” jamoalari o‘rtasidagi o‘yinni Ishtvan Kovach boshchiligidagi ruminiyalik hakamlar guruhi boshqarib boradi. VAR tizimida esa germaniyalik Marko Frits ishlaydi.

“Borussiya D” — “Atletiko” uchrashuvi sloveniyalik Slavko Vinchichga ishonib topshirildi. Videotakrorlarda unga Neys Kaytazovich yordam beradi.

Eslatib o‘tamiz, “Barselona” va “PSJ” o‘rtasidagi dastlabki o‘yinda 3:2 hisobida kataloniyaliklar g‘alaba qozongan. “Borussiya” va “Atletiko” bahsida esa 2:1 hisobida “matraschilar” ustun kelgan. 

Jamoalar o‘rtasidagi javob o‘yinlar 16-apreldan 17-aprelga o‘tar kechasi 00:00 da start oladi.