“Барселона” — “ПСЖ”, “Боруссия Д” — “Атлетико” учрашувларига ҳакамлар тайинланди

Европа Чемпионлар Лигасининг 16 апрель, сешанба кунги ўйинларига ҳакамлар тайинланди.

“Барселона” ва “ПСЖ” жамоалари ўртасидаги ўйинни Иштван Ковач бошчилигидаги руминиялик ҳакамлар гуруҳи бошқариб боради. ВАР тизимида эса германиялик Марко Фриц ишлайди.

“Боруссия Д” — “Атлетико” учрашуви словениялик Славко Винчичга ишониб топширилди. Видеотакрорларда унга Нейс Кайтазович ёрдам беради.

Эслатиб ўтамиз, “Барселона” ва “ПСЖ” ўртасидаги дастлабки ўйинда 3:2 ҳисобида каталонияликлар ғалаба қозонган. “Боруссия” ва “Атлетико” баҳсида эса 2:1 ҳисобида “матрасчилар” устун келган. 

Жамоалар ўртасидаги жавоб ўйинлар 16 апрелдан 17 апрелга ўтар кечаси 00:00 да старт олади.