Joriy yilning 15-aprelidan 3-mayiga qadar Qatar yashil maydonlarida U-23 Osiyo Kubogi musobaqasi o‘tkazilishi rejalashtirilgan va unda ishlash uchun 4 nafar o‘zbekistonlik hakamlar ham chaqirilgan.
Ushbu musobaqaning B guruhi ilk turidan o‘rin olgan Janubiy Koreya – BAA terma jamoalari o‘rtasidagi uchrashuvni Rustam Lutfullin boshchiligidagi o‘zbekistonlik hakamlar brigadasi boshqaradigan bo‘ldi.
Unga qanotlarda Sanjar Shoyusupov hamda Alisher Usmonov yordam berishsa, yana bir hakam Firdavs Norsafarov VAR hakami vazifasini bajarishi ko‘zda tutilgan.
Mazkur bahs Toshkent vaqti bilan 16-aprel kuni soat 20:30 da start oladi.
Eslatib o‘tamiz, O‘zbekiston terma jamoasi o‘z uchrashuvini 17-aprel kuni Malayziyaga qarshi o‘tkazadi. Uchrashuv 18:00 da boshlanadi.
Izoh (0)