Rossiya Tashqi ishlar vazirligi 12-aprel kuni Sloveniyaning Moskvadagi elchixonasi xodimini persona non grata deb eʼlon qildi. Bu haqda Anadolu nashri xabar berdi.
Xabarda aytilishicha, Sloveniyaning Moskvadagi elchisi Darja Bavdaz Kuret Rossiya Tashqi ishlar vazirligiga chaqirilgan. Vazirlik elchiga 21-mart kuni rossiyalik diplomatning Sloveniyadan asossiz chiqarib yuborilishi yuzasidan norozilik notasi topshirgan.
“Biz buni Lyublyananing Rossiya-Sloveniya aloqalarini barbod qilish yo‘lidagi navbatdagi nodo‘stona qadam deb hisoblaymiz”, — deyilgan vazirlik xabarida.
Rossiya rasmiylari Sloveniya bunday buzg‘unchi siyosat oqibatlari uchun javobgar bo‘lishini taʼkidlashgan. Sloveniya hukumati o‘z vakiling Moskvada persona non grata deb eʼlon qilinishi yuzasidan hozircha munosabat bildirmagan.
Izoh (0)