Qisman tan olingan Kosovo hukumati respublikadagi muvaqqat ma’muriyat ishlari bo‘yicha BMT missiyasining rossiyalik xodimini persona non grata (xush ko‘rilmagan inson) deb e’lon qildi. Bu haqda respublika tashqi ishlar vaziri Donika Gervalla Facebook’da yozib qoldirgan.
Qayd etilishicha, ismi va lavozimi oshkor etilmagan rossiyalik diplomat Kosovo bosh vaziri Albin Kurti iltimosiga ko‘ra, respublika milliy xavfsizligiga tahdid soluvchi g‘arazli harakatlari uchun mamlakatdan chiqarib yuboriladi.
Gervalla, shuningdek, respublika Rossiyaning mintaqadagi beqarorlashtiruvchi harakatlariga barham berish uchun xalqaro ittifoqchilar, birinchi navbatda, AQSh, Yevropa Ittifoqi va NATO bilan yanada yaqinroq hamkorlik qilishda davom etishiga va’da berdi.
Rossiyaning Serbiyadagi elchixonasi Kosova rasmiylarining diplomatni chiqarib yuborish qarorini “g‘arb mentorlaridan qutilish maqsadida Rossiya va BMTga qarshi amalga oshirilgan navbatdagi provokatsiya” deb atadi.
Avvalroq Rossiya Estoniya konsulini persona non grata deb e’lon qilgani, Saudiya Arabistoni va Bahrayn Livan elchilariga mamlakatdan chiqib ketishi uchun 48 soat muhlat bergani haqida xabar berilgandi.
Mavzuga doir:
Izoh (0)