Isroil harbiylari 12-aprel kuni bosib olingan G‘arbiy Sohildagi Tubas shahriga hujum uyushtirib, 2 nafar HAMAS aʼzosini yo‘q qilgan. Bu haqda CNN nashri xabar berdi.
Xabarda aytilishicha, hujumda Isroil qo‘shinlari HAMAS aʼzolari — Muhammad Essam Shohmaviy va Muhammad Umar Daragmehni o‘ldirgan. Falastin nashrlari ham ushbu xabarni tasdiqlagan.
Isroil kuchlari halok bo‘lganlar mintaqadagi markaziy shaxslardan bo‘lganligi va so‘nggi oylarda Isroilga qarshi muhim terror hujumlarini rejalashtirganini maʼlum qilgan. Harbiylar halok bo‘lganlarning mashinasidan qurol-yarog‘ topilib, musodara qilinganini bildirgan.
Falastin Qizil yarim oy Jamiyati CNN telekanaliga maʼlum qilishicha, yana kamida uch kishi daydi o‘qdan yaralangan. Ulardan biri og‘ir ahvolda.
Ramallohdagi Falastin Sog‘liqni saqlash vazirligi maʼlumotlariga ko‘ra, Isroil kuchlari shu paytga qadar bosib olingan G‘arbiy Sohil va Sharqiy Quddusda kamida 462 nafar falastinlikni o‘ldirgan. 4700 ga yaqin odam jarohat olgan.
Izoh (0)