Italiya shimolidagi gidroelektr stansiyaning turbinasi 10-aprel kuni portladi. Hodisa oqibatida kamida to‘rt kishi halok bo‘ldi. Bu haqda BBC xabar berdi.
Portlash Bolonya shahridan 70 kilometr uzoqlikdagi Suviana ko‘lidagi suv ostida, stansiyaning pastki qavatlarida sodir bo‘lgan. Binolarni suv bosishni boshlagan, avariya hududida bir necha kishi qolib ketgan. Voqea joyida qutqaruvchilar ishlamoqda, omon qolganlarni qidirish uchun suvga sho‘ng‘imoqda.
Stansiyaga egalik qiluvchi kompaniya to‘g‘onga hech qanday shikast yetmaganini aytgan. Biroq hozircha energiya ishlab chiqarish to‘xtatilgan. Tergov guruhi qidiruv tugagandan so‘ng va hudud yana xavfsiz holatga qaytgach, portlash va yong‘in sabablarini aniqlaydi.
GES joylashuvidan 70 kilometr uzoqlikda joylashgan Boloniya shahri meri Matteo Lepore voqeani “Italiyaning zamonaviy tarixidagi eng katta fojialardan biri” deb atadi. Italiya bosh vaziri Jorja Maloney favqulodda xizmatlarga qilgan ishlari uchun minnatdorlik bildirdi va portlash haqidagi xabarni “qo‘rquv bilan” kuzatganini ta’kidladi.
Izoh (0)