UEFA prezidenti Ukrainadagi voqealar tufayli Belarus nima uchun musobaqalardan chetlatilmagani haqida gapirdi.
— Germaniya ichki ishlar vaziri Nensi Fezer 2022-yil oxirida UEFAga maktub yozib, nafaqat Rossiya, balki Belarusni ham tashkilotda o‘z faoliyatini to‘xtatib qo‘yishni talab qilgan edi. Belarus UEFA turnirlarida qatnashishi mumkin, ammo uy uchrashuvlarini mamlakat tashqarisida va tomoshabinlarsiz o‘tkazadi. Bir necha oydan so‘ng Belarus Millatlar Ligasida Andorra, Isroil, Kosovo, Ruminiya va Shveysariya bilan bir guruhda o‘ynaydi.
O‘shanda siz Belarusni olib tashlash populistik qaror bo‘lishini aytdingiz. Ukraina va Isroildagi voqealardan kelib chiqqan holda navbatdagi Yevropa Chempionatiga qanday qaraysiz? Ushbu jarayonda maxsus xavfsizlik muammolari bormi?
— Birinchidan, hech bir siyosatchi bizga nima qilish kerakligini aytmaydi. Biz hech bir siyosatchiga quloq solmaymiz. Men boykotga qarshiman, boykot yoki taqiqlarni yoqtirmayman. Ammo Rossiya borasida boshqa tanlov yo‘q edi. Biz hammamiz bu voqealarni to‘xtatishga yordam berishga harakat qilishimiz kerak.
Belarusga kelsak, bir-ikki siyosatchilar bizga Rossiyaga yordam berganlarning hammasini chetlatish kerakligini yozishgan. Endi savol beraman: gaz sotib olganlar Rossiyaga yordam beradimi? Gaz sotib olishda davom etayotgan Yevropaning barcha davlatlarini, hatto eng yiriklarini ham istisno qilishimiz kerakmi?
“Geostrategik muammolarni siyosatchilar hal qilishi kerak. Sport tashkilotlaridan o‘z ishlarini bajarishni talab qilish — bu populizimdan boshqa narsa emas”, — dedi Aleksandr Cheferin infoLibre nashriga bergan intervyusida.
Izoh (0)