Qatardagi 23 yoshgacha bo‘lgan futbolchilar o‘rtasidagi Osiyo Kubogi — 2024 musobaqasiga yaqinlashar ekanmiz, biz hech qachon yoddan ko‘tarilmaydigan musobaqalarni eslaymiz.
Bu safar diqqatni Xitoy Xalq Respublikasida jamoalar qiyin sharoitlarda o‘ynashga majbur bo‘lgan 2018-yilgi musobaqaga qaratamiz.
“Oq bo‘rilar” qorda g‘alabani nishonladi
Fors ko‘rfazining issiq iqlimidan Xitoy qishining sovuq sharoitigacha. Uchinchi bor o‘tkazilgan OFK—U23 Osiyo kubogi Sharqiy Osiyoda birinchi bo‘lib o‘tkazilgan bo‘lsa-da, bu mezbon Xitoy termasi uchun omadsiz yakunlandi, chunki ular 2018-yilgi musobaqada mezbonlar Qatar va O‘zbekistondan keyin guruhda uchinchi bo‘lib, musobaqani tark etdi.
O‘zbekistonlik “Oq bo‘rilar” jamoasi sharqiy Osiyo davlatlari bo‘lmish Yaponiya (4:0) va Koreyani (4:1) mag‘lubiyatga uchratib, Javohir Sidiqov, Dostonbek Hamdamov va Azizjon G‘aniyev kabi futbolchilar bilan final yo‘llanmasini qo‘lga kiritdi.
Nguyen Kuang Xaydan ilhomlangan Vyetnam yulduzlarining yangi avlodi muvaffaqiyatga erishdi. Ular Avstraliya, Iroq va Qatarni finalgacha bo‘lgan yo‘lda ajoyib tarzda mag‘lub etib, o'n minglab muxlislarni ko‘chaga chiqib tantana qilishiga sababchi bo‘ldi.
Xanchjoudagi qorli sharoitga ko‘proq o‘rganib olgan O‘zbekiston finalda Rustam Ashumatovning boshi bilan bergan zarbasini golga aylantirib orqali oldinga chiqib oldi. Ammo Kuang Xayning “Qordagi kamalak” jarima zarbasi Vyetnam alangasini yana yoqib yubordi. O‘yin penaltilar seriyasiga sanoqli soniyalar qolganida Andrey Sidorov yaqin masofadan zarba yo‘llab, Markaziy Osiyoga bosh sovrinni keltirdi.
Musobaqa yulduzlari
Kuang Xay 2018-yilda o‘zining eng yuqori sifatli gollari bilan o‘zining yorqin damlarini yaratishi mumkin edi, biroq aynan o‘zbekistonlik yarim himoyachi Odiljon Hamrobekovning markazidagi mukammal o‘yinlari uni turnirning eng yaxshi futbolchisi bo‘lishiga sabab bo‘ldi.
Yana bir jihat, Almoez Ali oltita gol bilan eng yaxshi to‘purar bo‘ldi. U bir yildan so‘ng Qatarni “Osiyo Kubogi-2019” saralash uchrashuvlarida muvaffaqiyatli ishtirok etdi.
Eng chiroyli o‘yin
Chorak finalning asosiy vaqtida 3:3 hisobida durang o‘ynab, Iroqni penaltilar seriyasida mag‘lub etgan Vyetnam yarim finalda Qatarga qarshi o‘yinda yana dramatiklikni ta’minladi. Afif dastlab penaltidan gol urib hisobni ochdi. Vyetnam hisobni tenglashtirdi. Uchrashuv so‘nggiga uch daqiqa qolganda Ali gol urib, Qatarni finalga olib chiqqandek bo‘ldi. Biroz o‘tib Kuang Xay turnirdagi turnirdagi eng chiroyli gollardan birini urdi va jamolar penaltilar seriyasiga yo‘l oldi.
Ajablanarlisi shundaki, Vyetnamning birinchi zarbasidan o‘yin qahramoni Kuang Xay foydalana olmadi, ammo uning jamoadoshlari futbolchini uyaltirib qo‘yishmadi va jamoa finalga yo‘l oldi.
Izoh (0)