Rossiyaning AQSHdagi elchisi Anatoliy Antonov G‘arb mamlakatlarida Ukrainani moliyalashtirish yukidan charchash kayfiyati obyektiv ravishda kuchayib borayotganini maʼlum qildi. Bu haqda batafsil “TASS” nashri xabar berdi.
“Aholining Ukrainani moliyalash yukidan charchashi G‘arbda obyektiv ravishda kuchayib bormoqda. Bu haqiqat, tashviqot emas”, — degan Antonov maxsus bayonotda.
Rossiya rasmiysiga ko‘ra, G‘arbdagi aholi ular davlatga to‘layotgan soliqlar tasarruf qilinayotganidan norozi. Hukumatlar byudjetni chegara orti maqsadlari uchun sarflamoqda.
“Oddiy amerikaliklar nima uchun qattiq mehnat qilishlari va soliq to‘lashlari kerakligini tushunmaydilar. Ular to‘laydigan pullar esa esa uzoq Sharqiy Yevropa davlatini moliyaviy va harbiy jihatdan qo‘llab-quvvatlash uchun ishlatiladi”, — degan elchi.
Rossiya vakili ,shuningdek, Qo‘shma Shtatlarda o‘tkir ijtimoiy va iqtisodiy muammolar to‘planib qolganini maʼlum qilgan. Ularni hal qilish oddiy amerikaliklar va ko‘plab siyosatchilar uchun ustuvor vazifa bo‘lishi kerakligiga urg‘u bergan.
Izoh (0)