Turkiyalik insayder Ekrem Konurning xabar berishicha, MLSning ikki klubi “Sevilya”ning ispaniyalik himoyachisi Serxio Ramosga qiziqish bildirmoqda.
Gap Amerikaning “Los-Anjeles Gelaksi” va “Inter Mayami” jamoalari haqida ketmoqda.
“Los-Anjeles Gelaksi” va “Inter Mayami” 38 yoshli ispaniyalik futbolchi Serxio Ramosga qiziqish bildirmoqda, — deb yozdi Konur o‘zining X (sobiq Twitter) sahifasida.
Ramos aynan qayerga borishi mumkinligi hozircha noma’lum.
Serxio Ramos o‘tgan yozda “Sevilya”ga erkin agent sifatida qaytgan edi. Joriy mavsumda himoyachi andalusiyaliklar safida barcha turnirlarda 29 ta o‘yin o‘tkazib, 7 ta gol va bitta golli uzatmani amalga oshirdi. Futbolchining ispan klubi bilan shartnomasi shu yilning iyun oyi oxirigacha amal qiladi.
Transfermarkt internet portaliga ko‘ra, futbolchining taxminiy narxi 4 million yevroni tashkil qiladi.
Izoh (0)