Туркиялик инсайдер Экрем Конурнинг хабар беришича, MLS’нинг икки клуби “Севилья”нинг испаниялик ҳимоячиси Серхио Рамосга қизиқиш билдирмоқда.
Гап Американинг “Лос-Анжелес Гэлакси” ва “Интер Майами” жамоалари ҳақида кетмоқда.
“Лос-Анжелес Гэлакси” ва “Интер Майами” 38 ёшли испаниялик футболчи Серхио Рамосга қизиқиш билдирмоқда, — деб ёзди Конур ўзининг Х (собиқ Twitter) саҳифасида.
Рамос айнан қаерга бориши мумкинлиги ҳозирча номаълум.
Серхио Рамос ўтган ёзда “Севилья”га эркин агент сифатида қайтган эди. Жорий мавсумда ҳимоячи андалусияликлар сафида барча турнирларда 29 та ўйин ўтказиб, 7 та гол ва битта голли узатмани амалга оширди. Футболчининг испан клуби билан шартномаси шу йилнинг июнь ойи охиригача амал қилади.
Transfermarkt интернет порталига кўра, футболчининг тахминий нархи 4 миллион еврони ташкил қилади.
Изоҳ (0)