“Galatasaroy” prezidenti Dursun Ozbek jamoasi va “Fenerbahche” o‘rtasidagi bahsli Turkiya Superkubogi uchrashuvi haqida gapirdi.
“Men bunday vaziyatni kutmagandim. Biz absurd holga tushib qoldik. Urfadek go‘zal shaharda ushbu derbini tomosha qilishdan zavqlangan bo‘lsak-da, biz umuman kutilmagan hodisaga duch keldik.
Ular Superkubok finalini 1 daqiqada yakunladi. Butun dunyo oldida uyaldik. “Galatasaroy” va “Fenerbahche”ning vazifasi odamlarni futbolga mehr uyg‘otish. U19 terma jamoasidagi bolalarga achinmaysizmi? Bu uyat emasmi?”— Prezidentning so'zlarini keltiradi Fanatik sayti.
7-aprel kuni Turkiya Superkubogi uchun bahs bo‘lib o‘tdi, unda “Fenerbahche” va “Galatasaroy” jamoalari o‘zaro bahs olib bordi. Birinchi daqiqadayoq Mauro Ikardi “Galatasaroy”ni hisobda oldinga olib chiqdi. Goldan keyin “Fenerbahche” futbolchilari o‘yinni boykot qilib, maydonni tark etishdi. Shu tariqa “Fenerbahche”ga texnik mag‘lubiyat yozildi. “Galatasaroy” Turkiya Superkubogini qo‘lga kiritdi.
Izoh (0)