Rossiyaga jinoyat toifasidan qat’iy nazar sudlangan migrantlarni umrbod kiritmaslik taklif qilindi. Tegishli qonun loyihasi Davlat Dumasiga taqdim etish uchun Leonid Slutskiy boshchiligidagi Rossiya Liberal-demokratik partiyasi fraksiyasi tomonidan tayyorlangan. Bu haqda “Izvestiya” xabar berdi.
Hozirgi vaqtda migratsiya siyosatida sudlangan chet el fuqarolariga nisbatan maʼlum muddatga Rossiyaga kirishning oldini olish choralari ko‘rilmoqda. Qonun chet el fuqarosi yoki fuqaroligi bo‘lmagan shaxsning Rossiyaga kirishini taqiqlash uchun asos bo‘ladi, — deyiladi xabarda.
Amaliyotga ko‘ra, chet el fuqarosining mamlakatda bo‘lishini istamaslik to‘g‘risidagi qaror sudlanganlikni olib tashlash muddatiga tengdir. Kichik va o‘rtacha og‘irlikdagi jinoyatlar uchun mamlakatga kirishni taqiqlash jazoni o‘tagach uch yil, og‘ir jinoyatlar uchun – sakkiz yil, o‘ta og‘ir jinoyatlar uchun – 10 yil muddatga amal qiladi.
Deportatsiya qilingan yoki readmissiya shartnomasi bo‘yicha ko‘chirilgan chet el fuqarolari mamlakatga kirishiga besh yilga, qayta qaror qabul qilingan taqdirda esa 10 yilga taqiqlanadi.
Tashabbus mualliflari sudlanganlik holati bor yoki oqlanganidan qat’iy nazar xorijliklarning mamlakatga kirishini umrbodga taqiqlashni taklif qilmoqda. Bu fuqarolarni ehtimoliy tahdidlardan himoya qilishda zarurligi ta’kidlangan.
Izoh (0)