Rossiya Davlat dumasi xorij fuqarolarining mamlakatda vizasiz qolish muddatini yil davomida 90 kungacha qisqartirishni nazarda tutuvchi qonun loyihasini muhokama qiladi. Bu haqda “RIA Novosti” xabar berdi.
Taklif “Yagona Rossiya” partiyasidan Davlat dumasi deputati Aleksandr Spiridonov tomonidan ilgari surilgan. Spiridonovning so‘zlariga ko‘ra, migrantlar to‘g‘risidagi qonun loyihasi migratsiya siyosati bo‘yicha ishchi guruh doirasida muhokama qilinadi. Unda “Rossiyadan chiqish va Rossiyaga kirish tartibi to‘g‘risida”gi va “Rossiyadagi xorijiy fuqarolarning huquqiy maqomi to‘g‘risida”gi qonunlarga o‘zgartirishlar kiritiladi.
Qonunda belgilangan ayrim hollardan tashqari, Rossiyada vizasiz vaqtincha bo‘lish muddatini yiliga 90 kungacha cheklash rejalashtirilmoqda. Amaldagi qonunchilikka ko‘ra, chet el fuqarolari Rossiyada har 180 kunlik muddatda 90 kundan ortiq bo‘lmagan muddatga vizasiz qolishi mumkin.
Izoh (0)