Россияга жиноят тоифасидан қатъий назар судланган мигрантларни умрбод киритмаслик таклиф қилинди. Тегишли қонун лойиҳаси Давлат Думасига тақдим этиш учун Леонид Слуцкий бошчилигидаги Россия Либерал-демократик партияси фракцияси томонидан тайёрланган. Бу ҳақда “Известия” хабар берди.
Ҳозирги вақтда миграция сиёсатида судланган чет эл фуқароларига нисбатан маълум муддатга Россияга киришнинг олдини олиш чоралари кўрилмоқда. Қонун чет эл фуқароси ёки фуқаролиги бўлмаган шахснинг Россияга киришини тақиқлаш учун асос бўлади, — дейилади хабарда.
Амалиётга кўра, чет эл фуқаросининг мамлакатда бўлишини истамаслик тўғрисидаги қарор судланганликни олиб ташлаш муддатига тенгдир. Кичик ва ўртача оғирликдаги жиноятлар учун мамлакатга киришни тақиқлаш жазони ўтагач уч йил, оғир жиноятлар учун – саккиз йил, ўта оғир жиноятлар учун – 10 йил муддатга амал қилади.
Депортация қилинган ёки реадмиссия шартномаси бўйича кўчирилган чет эл фуқаролари мамлакатга киришига беш йилга, қайта қарор қабул қилинган тақдирда эса 10 йилга тақиқланади.
Ташаббус муаллифлари судланганлик ҳолати бор ёки оқланганидан қатъий назар хорижликларнинг мамлакатга киришини умрбодга тақиқлашни таклиф қилмоқда. Бу фуқароларни эҳтимолий таҳдидлардан ҳимоя қилишда зарурлиги таъкидланган.
Изоҳ (0)