Qirg‘izistonda 5-apreldan boshlab Rossiyaning MIR to‘lov tizimi kartalariga xizmat ko‘rsatish to‘xtatiladi. Bu haqda “RBK” xabar berdi.
Ma’lum qilinishicha, tegishli qarorga AQSHning MIR to‘lov tizimining operatori — Milliy to‘lov kartalari tizimiga (NSCP) qarshi sanksiyalari sabab bo‘lgan. “Elkart” mahalliy to‘lov tizimi operatori 3-apreldan MIR kartalariga xizmat ko‘rsatishni to‘xtatadi.
Qirg‘izistonda MIR kartalari xizmati mamlakat to‘lov tizimiga nisbatan “ikkilamchi sanksiyalar xavfini minimallashtirish” maqsadida to‘xtatilgan. Qirg‘izistondagi bankomatlardan naqd pul olish yoki MIR kartasidan pul o‘tkazish, internet to‘lovlarini amalga oshirish mumkin bo‘lmaydi.
MIR kartalari Qirg‘izistonda 2019-yildan beri ikkita to‘lov tizimi — Rossiyaning MIR va Qirg‘izistonning “Elkart” integratsiyasi doirasida ishlayotgan edi. “Elkart”da 21 ta bank ishtirok etadi. Biroq Qirg‘izistonda MIR kartalarining ishlashi bilan bog‘liq birinchi muammolar 2022-yilning kuzida boshlangan. O‘shanda AQSH Moliya vazirligi NSPK bilan hamkorlik qilgan xorijiy moliyaviy tashkilotlarni jazolash bilan tahdid qilgandi.
Eslatib o‘tamiz, 30-martdan boshlab Armaniston banklari Rossiyaning MIR kartalariga xizmat ko‘rsatishni to‘xtatgan.
Izoh (0)