Qirg‘iziston bojxona xizmati rahbarining sobiq o‘rinbosari, oligarx Rayimbek Matraimov Bokudan Bishkekka ekstraditsiya qilindi. Bu haqda Tengrinews xabar berdi.
Ma’lum qilinishicha, Matraimov hukumat samolyotida Bishkekka olib ketilgan. U bilan birga “Oshgaz” korxonasining sobiq direktor o‘rinbosari Tilek Matraimov ham bo‘lgan. Bundan tashqari Ozarbayjondan Matraimovning uch nafar aka-ukasi – Tilek, Ruslan va Islombek olib kelingan.
Qirg‘iziston davlat xavfsizlik qo‘mitasi maʼlumotlariga ko‘ra, bojxona xizmatining sobiq rahbari o‘ldirilgan “qonundagi o‘g‘ri” Qamchi Ko‘lboyev bilan yaqin aloqada bo‘lib, bojxona xodimlari va hukumat amaldorlari orasidan jinoiy guruh tuzgan.
Rayimbek Matraimov “Noqonuniy ozodlikdan mahrum qilish” va “Jinoiy daromadlarni legallashtirish” bo‘yicha jinoiy ishlarga jalb qilingan. 2024-yil yanvar oyi oxirida Rayimbek Matraimov Milliy xavfsizlik davlat qo‘mitasi tomonidan qidiruvga berilgan va uning milliardlab so‘mlik ko‘chmas mulki davlat hisobiga o‘tkazilgandi.
Izoh (0)