O‘zbekiston va Rossiya Bosh prokurorlari o‘rtasida uchrashuv bo‘lib o‘tdi. Bu haqda O‘zbekiston Bosh prokuratura matbuot xizmati xabar berdi.
Maʼlum qilinishicha, Rossiya bosh prokurori I.Krasnov taklifiga binoan O‘zbekiston bosh prokurori Nig‘matilla Yo‘ldoshev boshchiligidagi prokuratura organlari delegatsiyasi Rossiyaga tashrif buyurdi.
Mazkur tashrif doirasida joriy yilning 2-aprel kuni ikki davlat nazorat organlari rahbarlari o‘rtasida uchrashuv bo‘lib o‘tdi. Konstruktiv muloqot davomida tomonlar O‘zbekiston va Rossiya prokuratura organlari o‘rtasidagi o‘zaro huquqiy hamkorlik masalalar, shuningdek, aloqalarni yanada rivojlantirishning istiqbolli yo‘nalishlar muhokama qilingan.
O‘zbekiston bosh prokurori prokuratura organlarida amalga oshirilayotgan islohotlar bilan tanishtirib, transmilliy uyushgan jinoyatchilikka, jumladan terrorizmga qarshi kurashishda saʼy-harakatlarni birlashtirish zaruratini taʼkidlab o‘tgan.
Uchrashuv yakuniga ko‘ra O‘zbekiston va Rossiya Bosh prokuraturalari o‘rtasida 2024—2025-yillarga mo‘ljallangan hamkorlik dasturi imzolandi.
Izoh (0)