O‘zbekistonda 2023-yilda 3575 nafar mansabdor shaxs jinoiy javobgarlikka tortildi, bu 2022-yilga (3116 nafar) nisbatan 14,7 foizga ko‘p.
Bosh prokuratura matbuot xizmati tomonidan e’lon qilingan ma’lumotlarga ko‘ra, hukm chiqarilgan mansabdor shaxslarga nisbatan jinoyat ishlari soni 3412 tani tashkil etgan yoki 2022-yilga nisbatan (2965 ta) deyarli 15,1 foizga ko‘paygan.
Sudlanganlarning 49 tasi (2022-yilda 110 tasi) vazirlik, idora va tashkilotlarning respublika, 267 (264) tasi viloyat va 3259 (2742 tasi) tuman (shahar) bo‘linmalari xodimlaridir. Mansabdor shaxslar quyidagi jinoyatlari uchun javobgarlikka tortilgan:
- o‘zganing mulkini o‘g‘irlash yoki rastrata yo‘li bilan talon-toroj qilish — 2205 (2022-yilda — 2103);
- mansab vakolatini suiisteʼmol qilish — 397 (265);
- firibgarlik — 272 (243);
- poraxo‘rlik — 195 (169);
- mansab soxtakorligi — 36 (51);
- mansabga sovuqqonlik bilan qarash — 25 (22);
- vakolatidan chetga chiqish — 30 (14);
- boshqa jinoyatlar — 415 (249).
Lavozim jinoyatlari oqibatida davlat va jamiyat manfaatlariga, hisob-kitoblarga ko‘ra, 1,546 trillion so‘m (2022-yilda — 1,12 trillion so‘m) miqdorida zarar yetkazilgan bo‘lsa, dastlabki tergov jarayonida 1,31 trillion so‘m (847 milliard so‘m) undirilgan. Qoplangan zarar ulushi 84,7 foizni tashkil etgan (2022-yilda — 83,6 foiz).
Eslatib o‘tamiz, 2023-yilda DXX Namangan va Jizzaxda noqonuniy yer sotayotgan mansabdor shaxslarni ashyoviy dalillar bilan qo‘lga olgani, Qashqadaryoda qabriston yerlarini noqonuniy pullagan mansabdorlar ushlangani to‘g‘risida xabar berilgandi.
Izoh (0)