O‘zbekistonda 2023-yilda qo‘pol qonun buzilishi holatlari yuzasidan 8 mingdan ortiq jinoyat ishi qo‘zg‘atildi. Bu haqda Bosh prokuratura axborot xizmati rahbari Hayot Shamsuddinov ma’lum qildi.
Qayd etilishicha, prokuratura organlari tomonidan 2023-yilda mamlakatda qonun ustuvorligini taʼminlash maqsadida 160 mingga yaqin prokuror nazorati hujjatlari qo‘llanildi, 394 ming nafar fuqaroning huquqlari tiklangan. Shuningdek, 40 mingdan ortiq noqonuniy hujjatlar prokurorlarning protestlari asosida qonunga muvofiqlashtirilgan, tegishli idoralarga 28 mingga yaqin taqdimnoma kiritilgan.
Qonun talablarini buzgan 66 mingga yaqin shaxs intizomiy va maʼmuriy javobgarlikka tortilgan, qo‘pol qonun buzilishi holatlari yuzasidan 8 mingdan ortiq jinoyat ishi qo‘zg‘atildi. Tekshirishlar va tergov davomida jami 2 trillion 600 milliard so‘m zarar undirilgan.
O‘zbekistonda 2023-yilning birinchi yarmida yoqilg‘i-energetika sohasida o‘tkazilgan reydlarda 327 milliard so‘m zarar undirilgani to‘g‘risida xabar berilgandi.
Izoh (0)