Latviya hukumati Rossiyaga ilg‘or avionika komponentlarini yetkazib berishda ayblangan shaxsni hibsga oldi. Bu haqda Anadolu nashri xabar berdi.
Xabarda aytilishicha, Latviya fuqarosi Oleg Chistyakov rus kompaniyalariga murakkab avionika uskunalarini sotganlik bilan bog‘liq jinoyatlarda ayblanmoqda. Rasmiylar tergov davom etayotganligini bildirgan.
Ayblanuvchi Oleg Chistyakov hozirda 55 yoshda. Maxsus xizmatlar gumonlanuvchi uzoq yillar davomida maxfiy texnologiyalar kontrabandasi bilan shug‘ullanib kelganini daʼvo qilmoqda.
Manbada aytilishicha, Chistyakov “Kanzas” kompaniyasi vakili va yana ikki AQSH fuqarosi ishtirokida uyushgan jinoiy guruh tashkil etgan. Hozirda guruhning barcha vakillari hibsga olingani aytilgan.
Ayblanuvchilar yana ikki nafar AQSH fuqarosi: kanzaslik Kiril Gregoriy Buyanovskiy va Duglas Edvard Robertsonlardir. Ular o‘zaro til biriktirib, AQSH aviatsiya uskunalarini Rossiyadagi va Rossiyada ishlab chiqarilgan samolyotlardan foydalanadigan boshqa mamlakatlardagi mijozlarga sotish, taʼmirlash va jo‘natish bilan shug‘ullangan, — deyiladi xabarda.
Chistyakov 19-mart kuni Riga yaqinida hibsga olingan. Tez orada u AQSHga ekstraditsiya qilinishi aytilgan.
Izoh (0)