Latviya Yevropa Ittifoqining elektron aloqalar sohasidagi direktivasiga rioya qilmagani uchun Yevrokomissiyaga 300 ming yevro miqdorida jarima to‘lashi kerak bo‘ladi. Bu haqda tegishli manbalarga tayanib, Delfi xabar berdi.
Ma’lum bo‘lishicha, Yevropa Komissiyasi 2022-yil 8-iyulda Latviyaga Yevropa Ittifoqining faoliyati to‘g‘risidagi shartnomaga rioya qilmagani uchun da’vo arizasi bilan chiqqan. Latviya Yevropa Elektron aloqa kodeksini o‘rnatuvchi direktivaning 124 (1)-moddasini amalga oshirish uchun zarur bo‘lgan barcha qoidalar va ma’muriy hujjatlarni qabul qilmagan yoki Yevropa Ittifoqini bunday qoidalarning qabul qilinganligi haqida xabardor qilmagan.
YIning faoliyati to‘g‘risidagi shartnomaning 288-moddasiga ko‘ra, Yevropa Ittifoqi mamlakatlari direktivani belgilangan muddat ichida milliy qonunchilikka o‘tkazish qoidalarini qabul qilishi va Yevropa komissiyasiga ushbu qoidalar qabul qilinganligi to‘g‘risida zudlik bilan xabar berishi kerak bo‘lgan.
Direktivaning maqsadi barqaror raqobatni, elektron aloqa xizmatlarining o‘zaro ishlashini, foydalanish imkoniyatini, tarmoqlar va xizmatlar xavfsizligini va yakuniy foydalanuvchilarga foyda keltiradigan elektron aloqa tarmoqlari va xizmatlari uchun ichki bozorni yaratishdir. Direktiva, shuningdek, Yevropa Ittifoqi bo‘ylab yuqori sifatli, arzon va hamma uchun ochiq xizmatlarni taqdim etishga qaratilgan.
Izoh (0)