O‘zbekistonda 2024-yilning yanvar-fevral oylarida xizmat ko‘rsatish faoliyati bilan shug‘ullanuvchi 167 ming 021 ta yuridik shaxs tomonidan 4,6 trln so‘mdan ortiq soliq to‘langan. Bu haqda Soliq qo‘mitasi matbuot xizmati xabar berdi.
Maʼlum qilinishicha, shundan 882 mlrd so‘mdan ortig‘i, yaʼni 18,9 foizi 20 ta korxona hisobiga to‘g‘ri keladi. Ularning jami tovar aylanmasi 8,8 trln so‘mni, qo‘llagan soliq imtiyozlari miqdori esa 590,8 mlrd so‘mni tashkil etgan.
Ushbu 20 ta soliq to‘lovchi tomonidan taʼminlangan tushumlar soliq turlari kesimida:
- QQS – 346,9 mlrd so‘m;
- aksiz solig‘i - 159,3 mlrd so‘m;
- ijtimoiy soliq - 135,6 mlrd so‘m;
- JSHODS - 134,3 mlrd so‘m;
- foyda solig‘i – 63,6 mlrd so‘m;
- mol-mulk solig‘i - 21 mlrd so‘m;
- yer solig‘i - 13,3 mlrd so‘m;
- boshqa soliqlar - 8,1 mlrd so‘m.
Izoh (0)