“O‘zgidromet” 26—30 mart kunlari kutilayotgan noqulay ob-havo sharoitidan ogohlantirdi.
Ma’lum qilinishicha, 26—30 mart kunlari O‘zbekiston hududi bo‘yicha vaqti-vaqti bilan yomg‘ir yog‘adi, ba’zi joylarda kuchli bo‘ladi. Momaqaldiroq bo‘lishi mumkin.
26—28 mart kunlari shamol tezligi 15-20 metr/sekundgacha kuchayadi, ayrim joylarda ba’zida 22-25 metr/sekundgacha kuchayishi mumkin.
Kutilayotgan kuchli yomg‘irlar yog‘ishi sababli, 26—31-mart kunlari respublikaning tog‘oldi va tog‘li hududlarida sel-suv toshqin hodisalari yuzaga kelishi mumkin.
Tog‘oldi va tog‘li hududlarda istiqomat qiluvchi fuqarolar, dam oluvchilar hamda tog‘li hududlarda harakatlanuvchi haydovchilardan ehtiyotkorlik choralarini ko‘rishlarini so‘raymiz”, — deyiladi xabarda.
Shuningdek, Respublika hududi bo‘yicha yomg‘ir suvlari to‘planish ehtimoli bor, bu esa hududlarni suv bosishiga olib kelishi mumkin.
O‘zbekistonda 20—22 mart kunlari ham sel-suv toshqini xavfi e’lon qilingandi. 21-mart kuni Surxondaryo viloyatining Qumqo‘rg‘on tumanida sel-suv toshqini yuz berib, yuzdan ortiq xonadonlarni suv bosdi.
Izoh (0)