Farg‘ona viloyati Furqat tumanida fuqaroning yashash xonadonidan noqonuniy ravishda saqlab kelinayotgan ov quroli topildi. Bu haqda viloyat IIB xabar berdi.
Holat Furqat tumani IIB TQX JQG tezkor xodimlari tomonidan o‘tkazilgan tezkor tadbir davomida aniqlangan. Furqat tumani “Karmak” MFY Yangiobod ko‘chasi raqamsiz uyda yashovchi fuqaro X.A.ning yashash xonadoni xolislar ishtirokida ko‘zdan kechirilgan.
Aytilishicha, fuqaro xonadon chordog‘ida bir dona 5,6 kalibrli “Toz 8” markali qurolini tegishli hujjatlarsiz saqlab kelayotgani aniqlanib, ashyoviy dalil tariqasida olingan. Mazkur holat yuzasidan tergovga qadar tekshiruv ishlari olib borilmoqda.
Izoh (0)