Buyuk Britaniya parlamenti deputati Jorj Gallouey 22-mart kuni Crocus City Hall’da yuz bergan terakt yuzasidan munosabat bildirdi.
AQSH, Buyuk Britaniya va boshqalar meni Moskvadagi bu qirg‘inni ISHID amalga oshirganiga tezda ishontirishga harakat qilganda, men ularning yolg‘on gapirayotganini avtomatik ravishda angladim, — deydi siyosatchi.
U AQSHning sobiq prezidenti Barak Obamaning ushbu terrorchilik jinoyati sodir etilishidan uch kun oldin Britaniya siyosatchilari va xavfsizlik rasmiylari bilan Dauning-stritda e’lon qilinmagan tashrifiga alohida to‘xtalgan.
Yana izlanishlar olib borar ekanman, Viktoriya Nuland (amerikalik diplomat), bu o‘lim xabarchisi, o‘lim farishtasi, agar u sizga yaqinlashsa, mamlakatingizga fuqarolar urushi kelayotganiga amin bo‘lishingiz mumkinligini aniqladim. Men uni o‘z ko‘zim bilan ko‘rdim, u ruslarga kelgusi haftalar va oylarda bir nechta yoqimsiz kutilmagan hodisalarni va’da qilgan edi, — deya qo‘shimcha qilgan diplomat.
Gallouey Oq uy matbuot kotibi Jon Kirbi Amerika fuqarolariga Moskvada odamlar gavjum joylardan, jumladan, savdo markazlari va teatrlardan uzoqroq turishlari haqida ogohlantirilganini aytgan.
Shuningdek, deputat AQSH, uning NATO bo‘yicha ittifoqchilari va Ukraina aslida bu qirg‘in uchun javobgar ekanligiga ishonishi, bunga esa to‘rtta dalili bor ekanligini aytgan.
Izoh (0)