Британиялик сиёсатчи Crocus’даги теракт юзасидан фикр билдирди

Буюк Британия парламенти депутати Жорж Галлоуэй 22 март куни Crocus City Hall’да юз берган теракт юзасидан муносабат билдирди.

АҚШ, Буюк Британия ва бошқалар мени Москвадаги бу қирғинни ИШИД амалга оширганига тезда ишонтиришга ҳаракат қилганда, мен уларнинг ёлғон гапираётганини автоматик равишда англадим, — дейди сиёсатчи. 

У АҚШнинг собиқ президенти Барак Обаманинг ушбу террорчилик жинояти содир этилишидан уч кун олдин Британия сиёсатчилари ва хавфсизлик расмийлари билан Даунинг-стритда эълон қилинмаган ташрифига алоҳида тўхталган.

Яна изланишлар олиб борар эканман, Виктория Нуланд (америкалик дипломат), бу ўлим хабарчиси, ўлим фариштаси, агар у сизга яқинлашса, мамлакатингизга фуқаролар уруши келаётганига амин бўлишингиз мумкинлигини аниқладим. Мен уни ўз кўзим билан кўрдим, у русларга келгуси ҳафталар ва ойларда бир нечта ёқимсиз кутилмаган ҳодисаларни ваъда қилган эди, — дея қўшимча қилган дипломат.

Галлоуэй Оқ уй матбуот котиби Жон Кирби Америка фуқароларига Москвада одамлар гавжум жойлардан, жумладан, савдо марказлари ва театрлардан узоқроқ туришлари ҳақида огоҳлантирилганини айтган. 
Шунингдек, депутат АҚШ, унинг НАТО бўйича иттифоқчилари ва Украина аслида бу қирғин учун жавобгар эканлигига ишониши, бунга эса тўртта далили бор эканлигини айтган.