Rossiya Federal xavfsizlik xizmati direktori Aleksandr Bortnikov, IIV rahbari Vladimir Kolokolsev, Tergov qo‘mitasi raisi Aleksandr Bastirkin va “Rosgvardiya” direktori Viktor Zolotov Crocus City Hall’da sodir bo‘lgan terakt tergovi bo‘yicha prezident Vladimir Putinga hisobot berdi.
Rossiya yetakchisining matbuot xizmatiga ko‘ra, FVV rahbari Aleksandr Kurenkov “prezidentga odamlarni qutqarish bo‘yicha ko‘rilgan choralar, jabrlanganlarga ko‘rsatilgan yordamlar yuzasidan ma’lumot bergan”.
Kurenkovning ta’kidlashicha, qutqaruv ishlarida “maxsus va kuch tuzilmalarining xodimlari” ishtirok etgan.
Moskva viloyati Favqulodda vaziyatlar boshqarmasining ma’lumotlarda keltirilishicha, Crocus City Hall konsert zalida yuzaga kelgan yong‘inni o‘chirishga 477 nafar qutqaruvchi, 183 ta texnika jalb etilgan.
22-mart kuni Moskva viloyatidagi “Piknik” guruhining konserti bo‘lib o‘tayotgan Crocus City Hall konsert zalida nomaʼlum shaxslar o‘t ochdi. Binoda portlash sodir bo‘lgan va yong‘in boshlangan. Qurbonlar soni 60 dan oshgani aytilmoqda.
Izoh (0)